قررت أدون على كبر

قررت تدون؟ يابني دي موضة بطلت من زمان!
وماله؟ أهو ده أحسن وقت علشان مبقاش بقلد، وبعد ما الكل بقو بلوجرز والناس بطلت تقرا أعمل أنا مدونة وأبقى راجل "يونيك"
وبعدين مينا قال لي كتابتي حلوة وممكن أعمل بلوج، مينا مين؟ وإيه مؤهلاته اللي تخليه يقرر إنك مدون كويس؟
مينا يا عم ده جامد قوي، ده معاه ماجستير كمبيوتر من ووتر لوو بتاعة كندا!

وبعدين فاكس كل الكلام ده، أنا عايز أدون وخلاص، وعندي جمهور كبير، أنا متأكد إن كل مدونة هيقرارها مش أقل من ثلاثة مثلا! على الأقل الحاجة وصاحبتي (اوعي تصدقي الإشاعات دي يا حاجة أنا مش مصاحب)

عمومًا في الفترة القادمة هحاول أخرج ابن بطوطة اللي جوايا وأكتب شوية كدة عن كوريا، قال إيه بقى أنا الشاب المخلص ولافف بقى وبيجيب أخبار البلدان البعيدة

هو صحيح مين صرغتمش ده؟